चारोळी चकोर : फेब्रुवारी 2019

गुरुवार, २८ फेब्रुवारी, २०१९

नको वाटतो संग कोणाचा
भला वाटतो मज एकांत..
नको प्रश्न, ना कसली खंत
व्हावे मनाने निःचिंत शांत..!!
**सुनिल पवार..🖋️

जपून ठेव गं सखे
मी दिलेला गुलाब प्रेमाचा..
सुकला तरी सुगंध देईल
हा गुणधर्म आहे त्याचा..!!
***सुनिल पवार...✍️
🌹Happy Rose Day🌹

समजून अजाण बनणे
कोणी तुझ्याकडून शिकावे..
तरी तू रंगवलेल्या चित्रांचे
मज भावतात देखावे..!!
***सुनिल पवार...✍️

देख कितना बडा है
टेडी तेरा दिवना..
तू मान मेरा कहना
उसे अपना बनाना..!!
**सुनिल पवार...✍️

Happy Kiss Day...💞
ऐकण्यात आलंय
आज मुका दिवस हाय..
म्हणूनच की काय
कुणी बोलतच नाय..!!😀
***सुनिल पवार...✍️

ते बांधतात गुलाबी इमले
त्यांना सहज जमते ते..
मग काठावर बसून उगाच
नाव कशास ठेवतात ते..!!
***सुनिल पवार...✍️

आज ओशाळला असेल मृत्यूही
हे वीर जवाना, तुझे कलेवर पाहून..
सांडून आपले रक्त, देश रक्षणार्थ
तू हृदयात आहेस अमर होऊन..!!

🙏भावपूर्ण श्रद्धांजली🙏

इतकंच मला कळतंय
की प्रेम निरंतर असावे..
जरी वाढत गेले अंतर
तरी हृदयातून तपासावे..!!
***सुनिल पवार..✍️

मी काय म्हणणार दुसरं काही
तुझ्याशिवाय काही विषय नाही..
असा एकही क्षण दिसत नाही
ज्यात मी आणि तुझी सय नाही..!!
***सुनिल पवार...✍️

तुम्ही काही म्हणा,
प्याला अर्धा भरलेला
की अर्धा रिता..
इतके मात्र खरे
तुमचा दृष्ट्रीकोन ठरवतो
तुम्ही मिळवता की गमावता..!!
***सुनिल पवार..✍️

हे वागणे तुझे असे की,
काहूर उठवतात मनात..
आता उठव हा कनात
अन् वादळ क्षमव क्षणात..!!
***सुनिल पवार...✍️

अधीर मन हे माझे
सांग तुला कसे कळावे..
माझ्या मनाचे छळणे
आता तुजकडे वळावे..!!
**सुनिल पवार..✍️

तशी शब्दांची गरज नसते..
प्रेम व्यक्त करायला..
पण मनास वाटत राहते
तुला हवे ते कळायला..!!
***सुनिल पवार...✍️

एक ओळ...☝️

असेल मनात तर दिसेल आचरणात..!!
***सुनिल पवार...✍️