।। फाल्गुन पाऊस ।।

।। फाल्गुन पाऊस ।।
*****************
आता पाऊस ही वेडावला
बघ, असा अवेळी बरसला..
चिंब तुज भिजवण्या तो
सवे फाल्गुन घेवून आला..!!
**********सुनिल पवार.....
 

।। स्वप्न भास ।।

।। स्वप्न भास ।।
**************
सुटले हात कवटाळले विरहास
सुटता सुटेना परंतु माझी आस..
आठवाणीच्या त्या प्रत्येक मार्गावर
छळतो मज हां स्वप्न भास..!!
********सुनिल पवार.....

II सोनपरी II

II सोनपरी II
*************
आकांक्षाचे नव पंख लेवून
अवतरली पहा सोन परी..
लिंगभेदास मुठमाती देऊन..
स्वागत करा तिचे घरो घरी..!!
*************सुनिल पवार.....

II मनाच्या गाभाऱ्यात II

II मनाच्या गाभाऱ्यात II
**************************
मनाच्या गाभाऱ्यात मनाचा संग
मनाच्या संगतीला आठवणीचे रंग..
आठवणीच्या रंगावर भावनेची चौकट
भावनेच्या चौकटीत मन माझे दंग..!!
*******************सुनिल पवार.......

II प्रेम II

II प्रेम II
********
पटणार नाही तुला कधी
मला पक्के ठावुक आहे..
भासले तुज कठोर जरी
प्रेम माझे भावुक आहे..!!
****************सुनिल पवार...

II अबोल नाते II

II अबोल नाते II
****************
तुझे नि माझे अबोल नाते
अंतरात ग वसले आहे..
भावनेच्या तरल बंधनात
मन अलगद फसले आहे..!!
*************सुनिल पवार....

|| धडे ||

|| धडे ||
======
बाबा तुमच्या शिस्तीचे धडे
रुचले नव्हते त्या क्षणाला..
मात्र तुमच्या भूमिकेत वावरता
आज सहज पटले मनाला..!!
***सुनिल पवार...✍🏼