चारोळी चकोर : मार्च 2019

गुरुवार, २१ मार्च, २०१९

चिंब झाले मी, दंग झाले मी..
कान्हा तुझ्या रंगात, रंग झाले मी..!!
***सुनिल पवार...✍️

किती वर्षे झाली
रंग आपले वाटले नाहीत..
मावळून गेला सूर्य अन्
रंग पुन्हा एकवटले नाहीत..!!
***सुनिल पवार..✍️

Happy Holi...🖌️

कधी कधी कोऱ्या पानाप्रमाणे
मन कोरे ठेवण्याचा मोह होतो..
पण एक स्पर्श हळवा होतो
अन् पानासह मनाचा डोह होतो..!!
***सुनिल पवार...✒

कधी मोकळे बोल मनाने
ठेऊ नको अंतरात काही..
हे मौन तुझे छळेल तुलाच
शब्दाविन जीवनी रंगत नाही..!!
***सुनिल पवार...✍️

ती भेटली
प्रेमफुल फुलले
जातीच्या मातीत
दफन झाले..!!

स्वप्नांना जागवत

अवचित पहाट अवतरते..
माणसाचे मन

स्वप्नामागे धावत राहते..!!

--सुनील पवार..

🌺सुप्रभात🌞शुभ सकाळ🌺

संभ्रम वाढत जातो
राग काढत जातो..
माझ्या मनाचे पान
मीच फाडत जातो..!!
**सुनिल पवार...✍️

ओंजळ..

असेल काही शंका तुला
तर समाधान करून घे..
तशी रिती आहे ओंजळ
पण लागेल ते भरून घे..!!
--सुनिल पवार..✍️

असेल काही शंका तुला
तर समाधान करून घे..
तशी रितीच आहे ओंजळ
पण त्यातूनही भरून घे..!!
***सुनिल पवार...✍️

प्रत्येक प्रश्नाचं नेमके
उत्तर तुझ्याकडे असते..
असं दरवळणारं कोणते
अत्तर तुझ्याकडे असते..??
**सुनिल पवार...✍️

🌹जागतिक महिला दिनाच्या हार्दिक शुभेच्छा🌹

स्त्री..

म्हणजे अद्वितीय भक्ती
स्त्री..
म्हणजे अलौकिक शक्ती..
स्त्री..
म्हणजे जीवनाची आसक्ती
स्त्री..
म्हणजे चराचराची व्याप्ती..!!
**सुनिल पवार..✍️