चारोळी चकोर

बुधवार, १० एप्रिल, २०१९

आठवणींच्या गाठोड्यावर
आतासा मी कालक्रमण करतो..
माझ्या एकांताच्या प्रवासात
तुझा आभासी सहवास असतो..!!
***सुनिल पवार...✍️

माझी ९ शब्दांची गोष्ट..

आयुष्यभर त्याने निस्सीम प्रेम केले..
शेवटी तिरस्काराचा बळी ठरला..!!
***सुनिल पवार..✍️

इतकेही मौन राहू नको
की गैरसमज वाढत जातील..
बघ बोलून एकदातरी
शब्दांवर जीव जडत जातील..!!
***सुनिल पवार..🙏

हिरव्या पानांची तू सळसळ
जशी नयनरम्य तू हिरवळ..
श्वासात भरून घ्यावे तुज
अशी मनधुंद मंद तू दरवळ..!!

तू भंग केले वेळोवेळी
तरी स्वप्न पाहणे मी सोडले नाही..
सोडून गेली साथ सुखाची
तरी दुःखात जगणे मी खोडले नाही..!!
***सुनिल पवार...✍️

स्वप्न असतात गं काही
तुटतात तेव्हा वेदना होतात..
माझ्या चुकलेल्या निर्णयाची
नकळत मला जाणीव करून देतात..!!
***सुनिल पवार...✍️

प्रेमात नसाव्यात मान्य
मात्र जीवनात काही अटी असाव्यात..
त्याच अनुषंगाने सखे
आपल्या भेटीगाठी व्हाव्यात..!!
--सुनिल पवार..✍️